صباح الخير والشعور بالرضى والامتنان والشكر.. (من لم يشكر الناس لم يشكر الله).. الحمد لله بعد التزامي معك شهر ونص بحمية رياضية.. النتيجة اني استطعت افقد خمسة كيلو دهون صافية ورفعت الكتلة العضلية كمان ونزلت نسبة الدهون لوصلت %15 وهو أول رقم بوصلوا بحياتي.. بفضل برامجك كسرت ثبات الوزن وحطمت حواجز كثير وخرافات أكثر.. واستطعت اوصل لهاي النتيجة ولسه الحبل على الجرار.. كل الشكر والامتنان.

بصراحة من ارقى وازبط التجارب الي .. بحب النصائح الي ع الستوري الانستا وكمان طريقة تصميم البرامج الاسبوعية واكيد اسلوب الدكتورة الراقي.

انا  ساكنة بكندا وعندي هاشيموتو من ثلاث سنوات و سمنة مفرطة وصلت 123 كغ ومع سراء السايق قدرت اوصل ل 109 ولسا مستمرين.والاهم انه فحص الاجسام المضادة للغدة الدرقية رجع للطبيعي بعد حمية الامراض المناعية وحتى دكتورتي بكندا استغربت النتائج.سراء مو بس اخصاٸية تغذية بل هي انسانة بتحب عملها كثير و تهتم بادق التفاصيل ووتدعم مرضاها وومتابعينها لهيك انا تركت كل الدكاترة بكندا و بتابع معها۔

عيش صراحه مكان بتقدر تغير نفسيتك فيه انا بالنسبة الي بحسه safe place في حد يسمعك ويزبطلك دايت يناسبك. سراء شو ما احكي مقصرة بحقك بس اسلوبك وضحكتك وقلبك الدافي بخلي الواحد يعتبرك جزء من عيلته يعني قبل ما اكون من مشتركاتك انا متابعة صفحتك ومستحيل يمر نهار بدون ما اشوف ضحكتك الحلوة.

حبيت التعامل كتير مع عيادة عيش، لانه المتابعة شخصية من الاخصائية سراء و ال follow up ممتاز. اهم اشي انها علمتنا بس خلصنا حمية كيف نتدرج بالخروج من الكيتو حتى نحافظ على نزول الوزن.

ست سراء حابب أحكيلك إنه النزول خرافي..! الحمد لله نزلت خلال الشهر الماضي 7.5 كيلو وكلهم دهون.. قياساتي اختلفت، نشاطي اختلف، كله بفضل الله ثم فضلك.. كنت كثير متخوف من نظام الكيتو بس بعد التجربة أبدا ما فيه حرمان يُذكر.. بالعكس بطلت أطلب أكل دايماً وذهني دايماً صافي.. شكرا كثير ست سراء على وقتك ومتابعتك..

بس يعني بحياتي من 7سنوات تقريبا بعمل ريجيميات كثير ومع اخصائيين تغذية ما عمري نزلت هاد النزول خلال شهر وشوي.. الكيتو نظام رائع ويمكن لأي شخص عنده إرادة وحابب ينزل من وزنه ويغير حياته يتبعه وأنت أكيد إلك دور كبير من خلال تعليمك إلنا على أبلكيشن التغذية.. شكرآ من القلب.